Mikel Arteta ត្រូវបានសមាគមបាល់ទាត់ (FA) ចោទប្រកាន់ពីការរិះគន់របស់គាត់ទៅលើមន្ត្រី បន្ទាប់ពី Arsenal ចាញ់ 1-0 លើក្រុម Newcastle

ការមិន​ពេញចិត្តរបស់ Mikel Arteta លើការកាត់សេចក្តីរបស់លោក អាជ្ញារកណ្តាលត្រូវបានគាំទ្រជាបន្តបន្ទាប់ដោយក្លឹបនឹងមនុស្សជាច្រើន ប៉ុន្តែប្រធានអាជ្ញាកណ្តាល Howard Webb នៅសប្តាហ៍នេះទទូចថាការសម្រេចចិត្តផ្តល់គ្រាប់បាល់អោយ NEWCASTLE  គឺត្រឹមត្រូវ

ពេលនេះលោក Arteta ត្រូវបានចោទប្រកាន់ដោយ FA ថា ការអត្ថាធិប្បាយរបស់គាត់ជាទង្វើមិនត្រឹមត្រូវ និងបានបំពានច្បាប់ FA Rule E3.1 បន្ទាប់ពីការអត្ថាធិប្បាយបែបមិន​ពេញចិត្តនឹងការសម្រេចរបស់អាជ្ញារកណ្តាលដែលគាត់បាននិយាយនៅក្នុងបទសម្ភាសន៍ជាមួយប្រព័ន្ធផ្សព្វផ្សាយបន្ទាប់ពីចប់ការប្រកួតក្នុងពានរង្វាន់ Premier League របស់ Arsenal ទល់នឹង Newcastle United នៅថ្ងៃសៅរ៍ទី 4 ខែវិច្ឆិកា កន្លងមក។

Arteta ត្រូវបានចោទប្រកាន់ថាការអត្ថាធិប្បាយរបស់គាត់គឺជាការប្រព្រឹត្តមិនត្រឹមត្រូវ គាត់កំពុងប្រមាថដល់មន្ត្រីនៃការប្រកួត ។

លោក Arteta  មានពេលត្រឹមថ្ងៃអង្គារទី 21 ខែវិច្ឆិកា 2023​ នេះដើម្បីឆ្លើយតបទៅនឹងការចោទប្រកាន់បើគ្មានការបកស្រាយមួយណាទេ គាត់អាចប្រឈមនឹងការពិន័យដូចគ្នាទៅនិងលោក Thomas Tuchelដែលលោកត្រូវបាន FA ពិន័យជាប្រាក់ 20,000 ផោនបន្ទាប់ពីត្រូវបានចោទប្រកាន់នូវរឿងដូចគ្នាកាលពីឆ្នាំមុន។