ក្លឹប Juventus បានសម្រេចខ្ចីជើងខ្សែបម្រើអាហ្សង់ទីន Carlos Alcaraz ពីក្លឹប Southampton។ Alcaraz កំពុងពិនិត្យសុខភាព ហើយបើមិនមានអ្វីប្រែប្រួលទេ នឹងចូលរួមជាមួយ Juventus ក្នុងនាមជាកីឡាករខ្ចីជើង។
ក្នុងកុងត្រាខ្ចីជើង បានឲ្យដឹងថាក្លឹបយក្សអ៊ីតាលីមានជម្រើសក្នុងការផ្ទេរចូលកីឡាករវ័យ ២១ ឆ្នាំរូបនេះនារដូវកាលក្រោយ ក្នុងតម្លៃផ្ទេរប្រមាណ ៤០ លានអឺរ៉ូ។ Alcaraz បានមកចូលរួម Southampton កាលពីឆ្នាំ ២០២២។ គិតមកទល់ពេលនេះ កីឡាករលេងសរុប ៤៧ ប្រកួត និងស៊ុតចូល ៨ គ្រាប់៕
