Pep Guardiola និយាយពី Joao Cancelo ពេលត្រលប់ពី Barca វិញថា៖
“យើងមិនទាន់បានពិភាក្សាអំពីអនាគតរបស់ Cancelo នៅឡើយទេ។ យើងនឹងនិយាយពីវានៅចុងរដូវកាលនេះ”។
កីឡាករសញ្ជាតិព័រទុយហ្កាល់រូបនេះ បានចុះកិច្ចសន្យាជាមួយ Manchester City រហូតដល់ឆ្នាំ 2027។ យោងតាមរបាយការណ៍ ខ្សែការពារដែលអាចលេងស្លាបស្ដាំក៏បាន ឆ្វេងក៏បានរូបនេះលែងចង់លេងក្រោមការដឹកនាំរបស់គ្រូបង្វឹកសញ្ជាតិអេស្ប៉ាញ Pep Guardiola ម្តងទៀតឡើយ។
គាត់ត្រូវបានដាក់អោយខ្ចីជើងរួចម្ដងហើយនៅពាក់កណ្តាលរដូវកាលមុន ដែលកាលនោះដាក់អោយទៅ FC Bayern Munichខ្ចីជើង។ ហើយពេលនេះបន្ដលេងអោយ Barcelona ក្នុងនាមជាកីឡាករខ្ចីជើងដដែល ហើយនឹងអស់សុពលភាពនៅចុងរដូវកាលនេះ។
ទោះជាយ៉ាងណាក៏ដោយ ដោយសារកិច្ចសន្យារបស់គាត់នៅមានរយៈពេលវែង(2027)ដើម្បីផ្ទេរចេញបាន អាចនឹង Manchester ដាក់តម្លៃខ្ពស់មួយ ៕